سحابة صيف تسعدني وماكل الغيث يرويني
رياح الصيف لاجابت معاها المزن وانا الولهان
اناظرها وتناظرني واناديها وتلبيني
اقول الحب مع اهله نحا عني وانا الولهان
تقول إصبر...واقول أصبر وكلماتك تمنيني
نسيم الليل اذا اقبل يرفرف مبتسم فرحان
اجيه امشي وثم اركض واحيّيه ويحيّيني
وانام بحضن نسمات الدجا بالبرد انا دفيان
وطول الليل اسامرها وعن همّي تسليني
وفجأة ترتحل عني وارد عقب الدفا بردان
واناظرها وهي تبعد وبالضحكات تكويني
ويبقى لي امل واحد ابانتظره وانا سهران
عسى مايكون زي غيره يضحّك ثم يبكيني
لاشفت الشمس لي تقرب ولمعتها علي تبان
اصيح لصوت وادعيها وهي مثلي تناديني
احاول اقترب منها اباشكي الخافق الزعلان
واذا حاول اخاطبها جبال عنها تغطّيني
صحيح هذي هي الدنيا وهذي دورة الازمان
يجي معها الفرح ساعة وتحزن باقي سنيني
